اليوم الثلاثاء

اليوم الثلاثاء 9 جولاي ،ايش صار اليوم ؟

اممم الحمدلله الشوارع هادي الايام نوعا ما فاضيه ، أتوقع الناس سحبتها اجازة من الان لاجازة الحج ، عشان كدا نوعا ما الشوارع بدأت تفضى .

في شي لاحظته لما أجي أعطي اشارة أني أبغى أروح يمين و لا شمال ، دايما اللي ورايا يقرر في نفس اللحظة يتجاوزني و يقرر ياخد المكان اللي أبغى أروحله ما أدري هي نداله هي لعانه هي أيش بالزبط ما أدري ، المهم خمسين في الميه لما أقرر أخد المسار اليمين و لا اليسار يجياللي ورايا يقرر ياخده ، خمسه و عشرين في المية اللي ورايا يسرع، و خمسه و عشرين ف يالميه تنجح محاولة أني أخد المسار اللي أبغاه .

اليوم مرت عليه حاله جديده صراحه ، قررت أخد المسار و فجأة و أنا بانحرف بالسياره يجي واحد من المسار التاني اللي في الجهه التانيه يقرر ياخده كويس أني ما خبطت فيه و هديت عشان حضرته يعدي ، يعني ما أفهم سوء التقدير اللي ياخدوه بعض الناس اللي تسوق يعني اصبر دقيقه و بعدين تعل ورايا و لا هي الشغله عناد مو فاهمه .

الشي التاني الناس البطيئين ، استغفرالله بس ، الناس اللي تمشي سبعين في شارع سرعته 90 و تعطل أمة لا اله الا الله اللي وراها ، و تسعين في الميه لما أعديه ألاقيه سواق و المدام ورا.

من خبرتي البسيطة في الشهرين اللي فاتت لاحظت شي واحد السواقين أكبر خطر في الحياة في الشوارع ، نسبة تقدير السرعه في الشارع عندهم صفر ، نسبة تقديرهم للخطر صفرين ، يعني بالله أمس و أنا راجعه من الدوام،  ماشيه في اليسار في شارع سرعته القصوة تسعين و ألاقي دباب ماشي بسرعة عشرين في نفس المسار، يعني اضطريت اخفض سرعتي لما اقرب منه و اتجاوزه عشان ما أدعسه .الموقف التاني برضه و أنا راجعه في يوتيرن في طريق الثمامه ، شاحنه قلاب كبيره عالقه في اليوتيرن ، مدري صادمه في الوتيرن و الله مدري ما شفت ايش بالزبط المهم أنها مقفله المسار المقابل تماما لمسافة طويله .

استغفرالله بس و الله يعين على السواقه