اليوم الاربعاء

اليوم الاربعاء 10 جولاي .

على فكرة أنا عملت الحادث في 1 جولاي و للان ما اتسجل عليه في التأمين مدري ليش ؟ لازم أرجع أكلمهم.

نرجع لموضوع السواقه ، اكتشفت أنه السواقه هنا في السعودية تتطلب نسبة مليون في المية تركيز ، بالنسبة ليه كل يوم لما أركب السيارة أقول بسم الله توكلت على الله و أحس أني باستلقى وعدي بالمفاجآت اللي بتطلعلي كل يوم في طريقي.

يعني أمس و أن راجعة البيت أن ماشية في أمان الله في طريقي في المسار الوسط و في سيارات صافه سره تبغى تدخل الطريق الفرعي من مكان خروج بس من الطريق الفرعي ، و فجأة واحد يقرر من غير ما يطالع وراه أنه يخرج من السره ، خيييير ، لو أني مو مركزة مليون كان صدمت فيه بالراحه و لا لو كانت في سياره لاصقه جنبي كان صدمت فيها .

اليوم و أنا جيه كان الطريق نوعا ما فاضي ، ما كان في زحمة و ما في شي غبي سار غير البطيء اللي لازم يطلع في الخط السريع ، و الشاحنة اللي تسد الرؤية ، اللي ما أعرف كيف يسمحوا بشاحنات كبيره مستحيل الواحد يشوف ايش قدامه بسببها في المدن .

لحظة افتكرت عند تقاطع عثمان مع الثمامة في جرير و قد انتبهت أنه في ناس تجي مسرعه من الثمامة و تنزلق على جرير من غير ما تطالع ، و اليوم ربنا ستر جاني واحد منزلق و طبعا سواق ، أحسه ما يقر سرعتي أنك لما حتنزلق أنا ممكن أصدم فيك ، الحمدلله أني هديت و لا كان حادث محقق استغفرالله .

اللي لاحظته أنه الناس تسوق و ما همها شي ، أنت خايف على نفسك و سيارتك أنت تهدي و أنت توخر مو أنا خييييير

و بس هذا ما لدينا لليوم سي يو تومورو