أنا و السواقة

يااااااااي استلمت سيارتي أمس . أمس اتصلوا الشركة و قالوا خلصت السياره ، المهم رحت مع زوجي و السواق لمخرج 18 ، مكان مرعب أول مره أشوفه ، هناقر و مافي شي جنبه ، خرجت من الدوام و رحت ، و المكان الله لا يوريكم ، أوكي هو واضح أنه الشركة الأم لها اشتراطات في شكل المكان ، و هو واضح أنه كان كويس أول ما فتح على الأقل بس أعتقد عشان المكان كله عمال معدوم . و بعدين كاتبين الجدول في سبورة ليش ما يحطوها في سيستم و يسير العميل يشوفها الكترونيا ، يقهروا.   أنا اكتشفت أنه نفسيتي كانت معدومة لأنه السارة ما كانت موجودة ، ما أعرف بس أحس أنها رجولي جزء مني ، مع أنه ماسارلي مدة طويلة بأسوق بس احس ما سرت أقدر استغني عنها . 

اليوم تقريبا يسيرلي اسبوع من غير سيارة . ما خلصت سيارتي للن مدري متى بتخلص ، و أدق على رقمهم ما يردوا ، مدري ايش الحل . هدا هو الشي اللي كان مخليني مأ ابغى أودي سيارتي ، المجهول ، اللي مو عارفه متى حتطلع و مافي رقم أدق عليه و شي يقهر

أتوقع أني أمس نسيت أكتب ، ما كان في شي مميز في الطرق فاتوقع عشان كدا نسيت . اليوم خرجت من البيت تمنية الاربع و وصلت الدوام 8 و نص و خمسه ، اععععععع ليش ؟؟؟؟؟ طبعا لأنه كان في حادث . كنا ماشيين كويس لغاية ماوصلنا الجسر اللي في طريق الثمامة و جنب مدرسة دلة ، اللي حصل أنه فجأة سار زحمة ، و عموما الجسر دا فيه شي غلط لما تنزل منه يلتحم مع شارع تاني ، فأنا دايما لما أنزل منه أقول الله يستر لا أصدم ، ، لأنه يخوف ، وحتى الناحية التانيه اللي تكون طالع منها للجسر ، يجي التحام مع شارع تاني و في نفس الوقت بعده بمترين مخرج قبل الجسر ، يعني منتهى قلة الأدب . نرجع لليوم ، فجأة وقفنا في نص الجسر لأنه السيارات كانت واقفه ، وحبه حبه ، دقيقة اتنين ، خمسه ، عشره مافي فايده ، تقريبا عشرين دقيقه في الزحمة دي ، و لما وصلنا اخر الجسر مكان التحامه مع الشارع التاني ، تشارجر مقلوبه على الجنب ، و اتوقع اللي فيها خرج زي الجني ، بس شي يقهر ، شكل كان مسرع من الحهه الثانيه و جا يبغى يتلافى واحد نازل من الجسر قام انقلب على الجنب ، يعني بالله جي في هدا الصبح وقت طلعة الناس للدوام و تعطل الخلق ...

استغفرالله اليوم دا كريه بشكل ، هو بس لما يعدي تتصلح الأمور كلها و يمشي الأسبوع  المهم اليوم كلمت شركة التأمين و يقولوا لسه السياره في مرحلة التقييم . اكتشفت في اليومين اللي ركبت فيها مع السواق أنه سواقة السواقين استغفرالله بس ، أنا مازالتعند رأيي نص حوادث البلد بسبب السواقين و سواقتهم . وحشتني سيارتي و استقلالي و على الأقل امشي وقت ما امشي ما استنى أحد . يعني قبل يومين كان عندي مشوار و أخدت السواق مع أنه كانت سيارتي موجوده ، بس أخدت السواق لأنه مافي مواقف ، و أنا نازله قلتله وقف السياره و استنى ،يقوم الذكي يرجع البيت ، خلصت مشواري دقيت عليه يقولي أنا في الغرفه ، يا ذكي يا فطحل أنا ليش ماخدتك ، و بعدين أنا كيف أرجع برجلي مثلا ، كويس الشوارع كانت فاضيه و جاني في ربع ساعه ، بس برضه كان احساس عفوا زباله ، أني قاعده استنى أحد يجي ياخدني . اليوم و أنا في الاشاره شفت بنت راكبه سياره و شكلها واضح جديده بورقتها ، أمس شفت نفس البنت في نفس الاشاره ، افتكرت نفسي أنا وسيارتي ( وحشتني سيارتي) ، ولما جيت ادخل مجمع الدوام شفتها داخله معايا ، حسيتها أنا حأقعد كد...

اليوم الاثنين ، أمس ما كتبت بوست لأني ببساطة ما جيت الدوام و لا سقت ، ليش يا ترى ، كان عندي مية شغلة و كان لازم اخد اضطراري و بالصدفه جات شركة التأمين اخدت السياره عشان تصلحها. الخبطة اللي خبطتها خفيفة ، اللمبة انكسرت شويه و البوية اتقشرت شويه و الصدام شويه انعفط ، فانشاء الله تتصلح بسرعه . المهم ، اللي صار أنه أنا ما كنت موجودة في البيت وقت ما جو ياخدوها ، بس حق السطحه اتصل عليه ، و يالله أنا جي اخد السياره دحين جهزيها ، قلبي وجعني على سيارتي ، شلت أغراضي منها و كنت خارجه ، فما شفت كيف اخدوها . و أنا راجعه شفتهم خارجين من باب السكن و حاطينها على السطحة قلبي وجعني عليها ، بس يالله خيره ان شاء الله تتصلح و ترجع .

أخيرا اليوم الخميس ، يفوز اليوم بأكثر يوم سواقة سموث من يوم سقت للدوام ، ما أعرف هل السر أني غيرت اللي بأسمعه و لا الشوارع فاضيه و لا أنا خرجت متأخر . اليوم خرجت متأخر و في نص الطريق طفيت البودكاست و شغلت أغاني من الساوندكلاود ، حسيت نفسي بأسوق بأريحيه أكتر و كأنه مراكز التفكير أثناء السواقه اللي في دماغي اختلفت ، مدري ، حأجرب التجربه دي و انا راجعه و أشوف ايش يحصل ؟  مع أني أحب أسمع لشي مفيد و عقلاني و انا في السياره لأنه هدا وقت خلوتي و تركيزي ما أبغى أضيعه في شي ماله معنى بس نجرب و نشوف .

اليوم الاربعاء 10 جولاي . على فكرة أنا عملت الحادث في 1 جولاي و للان ما اتسجل عليه في التأمين مدري ليش ؟ لازم أرجع أكلمهم. نرجع لموضوع السواقه ، اكتشفت أنه السواقه هنا في السعودية تتطلب نسبة مليون في المية تركيز ، بالنسبة ليه كل يوم لما أركب السيارة أقول بسم الله توكلت على الله و أحس أني باستلقى وعدي بالمفاجآت اللي بتطلعلي كل يوم في طريقي. يعني أمس و أن راجعة البيت أن ماشية في أمان الله في طريقي في المسار الوسط و في سيارات صافه سره تبغى تدخل الطريق الفرعي من مكان خروج بس من الطريق الفرعي ، و فجأة واحد يقرر من غير ما يطالع وراه أنه يخرج من السره ، خيييير ، لو أني مو مركزة مليون كان صدمت فيه بالراحه و لا لو كانت في سياره لاصقه جنبي كان صدمت فيها . اليوم و أنا جيه كان الطريق نوعا ما فاضي ، ما كان في زحمة و ما في شي غبي سار غير البطيء اللي لازم يطلع في الخط السريع ، و الشاحنة اللي تسد الرؤية ، اللي ما أعرف كيف يسمحوا بشاحنات كبيره مستحيل الواحد يشوف ايش قدامه بسببها في المدن . لحظة افتكرت عند تقاطع عثمان مع الثمامة في جرير و قد انتبهت أنه في ناس تجي مسرعه من ا...

اليوم الثلاثاء 9 جولاي ،ايش صار اليوم ؟ اممم الحمدلله الشوارع هادي الايام نوعا ما فاضيه ، أتوقع الناس سحبتها اجازة من الان لاجازة الحج ، عشان كدا نوعا ما الشوارع بدأت تفضى . في شي لاحظته لما أجي أعطي اشارة أني أبغى أروح يمين و لا شمال ، دايما اللي ورايا يقرر في نفس اللحظة يتجاوزني و يقرر ياخد المكان اللي أبغى أروحله ما أدري هي نداله هي لعانه هي أيش بالزبط ما أدري ، المهم خمسين في الميه لما أقرر أخد المسار اليمين و لا اليسار يجياللي ورايا يقرر ياخده ، خمسه و عشرين في المية اللي ورايا يسرع، و خمسه و عشرين ف يالميه تنجح محاولة أني أخد المسار اللي أبغاه . اليوم مرت عليه حاله جديده صراحه ، قررت أخد المسار و فجأة و أنا بانحرف بالسياره يجي واحد من المسار التاني اللي في الجهه التانيه يقرر ياخده كويس أني ما خبطت فيه و هديت عشان حضرته يعدي ، يعني ما أفهم سوء التقدير اللي ياخدوه بعض الناس اللي تسوق يعني اصبر دقيقه و بعدين تعل ورايا و لا هي الشغله عناد مو فاهمه . الشي التاني الناس البطيئين ، استغفرالله بس ، الناس اللي تمشي سبعين في شارع سرعته 90 و تعطل أمة لا اله الا الله ا...

اليوم مشواري الصبح كان بدري شويه ، كان من الساعه 7 الا ربع ، أنا عادة كل يوم أمشي على الساعه 8 الا ربع عشان أوصل الدوام 8 و شي ، بس اليوم كان لازم أخرج بدري عشان الجيم ، ما أحب أروح الجيم بعد الدوام فأفضل وقت بالنسبة ليه من 7 الى 8 قبل الدوام . المهم قلت بما أنه مشواري بدري قبل ما يصحوا المداومين في الصيف ، أكيد الشوارع فاضيه و جميله و رايقة ، الحقيقة نعم هي كانت فاضيه و لكن لا بد من لكن ، في نص شارع الثمامه عند اليوتيرن اتوقع كان في واحد نايم بياخد اليوتيرن و طلع فوق الرصيف ، كان فيه سطحه جيه تسحبه ، و السطحه حرفيا طالعه فوق الرصيف و في ناس واقفين في نص شارع الثمامه بيأشروا للسيارات عشان توخر شويه من جنب اليوتيرن ، يعني و لا كأنه شي ، طيب لو واحد مسرع و ما انتبهلهم ممكن يعس واحد فيهم  ،كويس أنه الشارع فاضي و مافي زحمه .    لما قربت من الجيم في شارع طويل عريض طلعلي ونيت واضح أنه اللي سايقه عامل ، خرج الونيت من الشارع الفرعي و حرفيا واقف في نص الشارع ينتظرني أعدي ، طبعا عملت حركتي الشهيره بأني شنفت أذانه بصوت الزمور ، و لما عديت من عنده ( في الحقيقة اضطريت انحر...

اليوم الاحد 7 جولاي ، هدا تاني بوست ليه ، اليوم الطريق كان نوعا ما فاضي ، السواقه كانت نوعا ما سموذ ، و كالعادة لازم يكون في لكن ، مستحيل تكون السواقه سموذ من البداية للنهاية . أول شي اشارات الدوار اللي جنب مستشفى المملكة ، انا اعترف أنه هادي الاشارات سهلت السواقه في دا الدوار ، و أعتقد لو أنه الدوار كان زي السابق اتوقع كان مستحيل أسوق أو أطب في المكان دا لأنه كان مرعب قبل ما يحطوا الاشارات . نجي للجزء التاني الاشارات رهيبه و نظمت الموضوع تماما ، و لكن اتوقع لما جو صممو الشارع ما حسبوا عدد السيارا تالمهول اللي بتمر من دي المنطقة ، أو أنه عدد السيارات اتضاعف فجأة ، كمية الزحمة هناك لا تطاق ، و خصوصا السيارات اللي تجي تسقط من جنب ، اتوقع لو عسكري وقف جنب كل اشاراه و خالف الناس اللي بتسقط ، يمكن الناس تتوب و الموضوع يتنظم أكتر مدري؟ هدا غير اللي ياخدوا لفه في الدوار و فجأة يكتشفوا أنهم وقفوا في اللفة الغلط و يعكسوا المسارو لا يرتكبوا أي تهور في وسط الدوار ، و هو بصراحة الدوار دا زي المتاهه ، لو ما عرفت بالزبط فين توقف حتلاقي نفسك في المكان الغلط . نرجع لموضوعنا ،كل مره أوق...

ليش قررت أبدأ هدا البلوق ، لأنه ببساطة اللي بأمر بيه في الشارع كل يوم و أنا في طريقي للدوام على الأقل لا يعقل ، أحس كل يوم لا زم أكتب في مكان عشان أفرغ شحنة الشر اللي تتكون في دماغي في النص ساعة زمان اللي أسوق فيها سيارتي من البيت للدوام . حأبدأ من اليوم و يمكن بعد كدا أرجع لورا شويه في حكاياتي ليش قررت أسوق و أنا اللي ما كنت أبغى ، و تجربتي في مدرسة السواقة ، كيف اشتريت السيارة ، كيف كانت السواقة في رمضان ، و أخيرا و ليس اخرا الحادث و الفيلم اللي معاه. اليوم هو الرابع من جولاي ، رحلتي من البيت للدوام كانت جيدة نوعا ما ، كنت حأروح الجيم في الصباح بس فضلت أني أنام شوية لأنه لسه ورايا مشوار التأمين ، المهم خرجت 8 الا ربع من البيت و كانت الشوارع هادية نسبيا بحكم أنه اليوم خميس ، كانت السواقة ماشية تمام و فل الفل ، لغاية ما وصلت أول التخصصي الجسر اللي اكرهه ، الجسر اللي ينزل على الدائري الشمالي ، الجسر اللي يبدأوا الناس يتصرفوا فيه زي المجانين ، فجأة واحد من يميني و واحد من شمالي في نفس الوقت كانوا يبغوا يتجاوزوني ، و لولا ستر الله لخبطوا في بعض و أنا من وراهم ، سحبت فرامل ، و اللي و...